想緊貼樓市動向，立即追蹤千居 Facebook 及 Instagram 專頁（@spacious.hk），掌握最新地產資訊。

養寵物，絕非金錢所能衡量。如想保障心愛嘅寵物嘅安全同健康，呢個都係好大嘅責任。有責任嘅主人，隨左留意狗帶同狗糧碗嘅價錢，都要為其他嘅支出作出準備，例如看獸醫嘅診金同交通費，甚至身後事！有啲寵物支出，往往會令你大出血！以下係MoneyHero.com.hk 嘅5個慳錢小貼士，幫你成為一個負責任嘅主人。

1）計好膳食費
一隻大型犬（如狼狗及雪橇犬），每日嘅食糧需要至少兩罐狗濕糧（每罐12oz）。簡單啲講，每個月需要62罐，最平都要過千蚊啦。呢個數目對某啲人來講真係唔少。當然，餵乾糧或自己煮健康餐都可以省到少少錢。唔好低估佢地嘅零食費用呀，因為相比人類嘅零食，寵物嘅專用零食分分鐘貴6幾倍。
如果正係計寵物糧食嘅支出，就已經超過你月入的10%，你應該好好考慮自己應唔應該養寵物。想知道膳食費？最好先問問類似品種寵物嘅主人，睇下佢地每個月俾幾多錢喺糧食上。如果你打算領養寵物，記住問清楚前主人或領養機構有關寵物嘅食量同每月糧食支出大概俾幾多。

2）買份寵物保險
寵物嘅藥物一般比人類嘅藥物費用貴好多。帶隻狗去做一次普通嘅身體檢查，配埋啲藥，好容易就上千蚊埋單啦。如果寵物患上長期疾病如癌症，醫療費用會非常貴。檢驗時照一次超聲波都要用幾千蚊，如果要做大手術，花費分分鐘有5、6位數字。
如果你嫌錢多，唔理呢啲費用，就唔晒買啦。正常人應該買一份寵物保險。每個月俾一筆小費用，好過長遠要俾一筆大費用。記住，喺你嘅愛貓或愛犬嘅12年以上壽命，好難保證距會完全健康或完全唔受傷！

3）設立寵物基金
估算一個月嘅寵物支出（包括保險費），從而計出3個月的寵物費用。你應該將一筆相等於至少3個月寵物費用嘅基金，儲喺一個獨立戶口。咁樣就可以保證有突發情況發生時（例如失業），你嘅寵物都唔會受影響。

4）用最慳錢嘅方法帶寵物出街
即使你隻愛貓唔鐘意出街，有時你要帶佢去獸醫處檢查或去寵物美容店沖涼。大部分嘅公共交通公具都唔可以帶寵物搭車。如果你無私家車，你就要俾的士費或Call Van。一程由幾十蚊到幾百蚊都有。如果你係熟客嘅話，就有可能有折扣啦！

5）出外旅遊時聘請寵物保姆
出外旅遊時，你可以搵鄰居或朋友幫你照顧寵物，但如果佢地未養過寵物，寵物保姆比較有保證。寵物保姆唔單止趁你出國嘅時候陪你隻寵物玩，佢地嘅服務包括保障寵物準時服藥、確保佢地生活環境衛生。如有突發事件，寵物保姆都會幫你照顧寵物。好多人認為佢地唔需要專業嘅寵物保姆，結果返理就要應付更大嘅問題同付出更高嘅代價，例如返理發現狗隻蚤，或者唔熟手嘅朋友溜狗時不隻狗咬傷人。
香港嘅寵物保姆收費大概係每小時$150，最好搵一個你信賴嘅保姆，唔係最平嘅一個。請朋友或鄰居睇隻狗兩三日無大問題，超過幾日時間就最好搵返個寵物保姆。
除左寵物保姆，你可以考慮寵物酒店。香港嘅寵物酒店每日收費大概$100至$300，視乎寵物種類、大小、寄宿日數同房間種類。寵物酒店一般都會提供埋美容、護理同接送服務，但記得依啲服務通常會額外收費。
延伸閱讀：想知道帶寵物去旅行又要做乜準備？即看：帶寵物狗狗遊日本（準備篇）
即上MoneyHero.com.hk，瀏覽更多金融產品的比較資料！想知多啲慳錢貼士同理財建議，就要留意MoneyHero blog，同埋緊貼MoneyHero facebook page!