住港島九龍區嘅人好鐘意趁週末去新界區，因為環境既清靜又少人。除左去大美督踩單車同燒烤，大埔仲有好多野玩架！今個週末一於去探索大埔嘅另一面啦！
去香港鐵路博物館探索下香港歷史
大家有無見過香港嘅舊火車？香港鐵路博物館位於大埔墟市中心，除左舊大埔火車站，仲可以睇埋中國傳統建築。火車站喺1984年被列為古蹟，1985年後仲開埋個博物館。博物館展覽啱晒啲火車發燒友，想重活歷史嘅你即管去睇下啦！
去舊大埔警署同舊北區理民府影罪犯selfie
追尋舊香港嘅你可以去埋舊大埔警署同舊北區理民府行過圈。建於1898年，呢兩棟大廈充滿懷舊feel，係英國租借新界後興建嘅大樓。去到嗰度仲可以伶住塊罪犯牌影返張selfie，update下個instagram！
去鳳園蝴蝶保育區睇蝴蝶
香港有幾可有機會見到200嘅個唔同品種嘅蝴蝶？只要喺大埔地鐵站搭小巴，就可以到達鳳園蝴蝶保育區。親親大自然之外，仲可以探訪訓練中心，展覽室，有機田園同蜻蜓池。由於蝴蝶下午時間鐘意尼埋一邊，最好係朝早上10點前或下午4點去目的地。
去三門仔漁村體驗漁夫生活
相信大家都知道香港以前係漁村，係近50年先變成石屎森林。幸好三門仔漁村仲保留著濃厚嘅漁村風情，釣魚發燒友仲可以跟當地嘅漁夫學返幾招！
去香港二疊紀園影靚相
人都喺三門仔啦，不如順便去馬屎洲嘅香港二疊紀園行個圈啦。鐘意研究岩石嘅人可以喺實地了解連島沙洲同幾種岩石嘅形成過程，覺得悶可以喺馬屎洲行山。馬屎洲山上有好多山墳，大家記住小心啲，唔好撞鬼呀！
