相信大家都好想知到點解上環咁多法國佬。提起上環，大家通常會諗到文咸東街同文咸西街嘅海味同藥材舖，但自從啲外國人搬去上環後，成街都係西餐廳同cafe，製造中西合壁嘅感覺。到底上環有咩咁吸引？睇完你就知！
去川美茶居食抹茶心太軟
朱古力心太軟就聽得多啦，抹茶心太軟你又試過未？位於上環嘅永樂街，川善茶居係獨一無二嘅樓上cafe。咖啡室設有傳統中國裝飾，但人氣食品係綠茶系列甜品，例如抹茶芝士蛋糕、抹茶brownie，連抹茶cocktail都有！聽聞cafe嘅老闆係中國茶藝專家，所以對茶飲特別高要求。
去孫中山紀念公園行個圈
有時做野做到攰，最好係去公園散下心。維園咁多人，不如去位如上環嘅孫中山紀念公園啦！話說孫中山先生返內地時經過香港只可以喺船上見香港嘅同志同支持者，所以政府決定喺同一個位置興建公園。除左喺鮮綠嘅草地野餐，仲可以喺公園打籃球同踢波！
去文武廟上枝香
黃大仙祠咁多人，想上枝香都要同人迫。位於上環荷里活道嘅文武廟大多數都係遊客，影完張相即刻走人。即使你唔信彿，都可以去嗰度影張selfie，update下個instagram！
